علميني ازاي اخونك

علّميني ازاي اخونك
علميني ازاي اخونك
علّميني اخدع عيونك
نفسي اتعلم فنُونك
نفسي اتلون بلونك
نفسي قلبي يبقى زيّك
ينسي ف دقيقة انه حبك
تبقي شارياني بعواطفك
وابقى انا بالغدر بايعك
واقتل الشوق لو يجيني
علّميني علّميني ..... يمكن اقدر ابقي زيك
زي ما علمتي قلبي يبقي طيرك
علميني ازاي اكون ناكر لخيرك
تبقي جنبي بس مش داري بوجودك
وابقي جنبك بس قلبي لوحدة غيرك
علميني انسى الهوا واللعب بقلبك
علميني ...يمكن اقدر ابقى زيك
بس في نهاية كلام قلبي اللي حبك
واللي عاش يتمني طول العمر قربك
كلمة لازم تسمعيها وتفهميها
مش هاخلي قلبي يتعذب بذنبك
يعني مهما تعلميني
يعني مهما تفهميني
اعذريني اعذريني
استحالة استحالة هابقي زيك
تاليف \ عماد الششتاوي 0101959699

[url=https://www.youtube.com/watch?v=atXCB2ew0T8]الفديو اضغط للمشاهدة[/url]

2- بلاد قلبك
بلاد قلبك لا شافت طير
ولا خيال قدر يوصل
بلاد قلبك يا وش الخير
طريقه عمره مايوصل
وفاجئتك باني وصلت
وهديت البيبان ودخلت
بلاد قلبك

بلاد قلبك سيُول وغيُوم ومِيِت دوّامة غرّاقه
بلاد قلبك عذاب وهموم وسِكّة عِشق فرّاقه
وفاجٍئتك باني وَصَلت
وهديّت البيبان ودَخَلت
بلاد قلبك

جنود قلبك الوف والوف واسوارك شرف وكسوف
ولو حاولت جيوش تتدخل بترجع ميتة من الخوف
وفاجئتك باني وصلت
وهديت البيبان ودخلت
بلاد قلبك

ولما سكنت واتمّكّنت من ارضك
سمعت الأهه من قلبك
لمحت دموع على خدك رَفَعت الرَايا
...واستسلّمت
تاليف/ عماد الششتاوي 0101959699

3- مفيش داعي
ملوش لازمة مفيش داعي
يصحي هواكي اوجاعي
وقبل ما يجي اعصارك
وقبل ما تبتدي نارك
وقبل ما تبتدي خداعي
هاهد مراكب الاشواق
ولو قلبي في يوم اشتاق
هكسّر قلبي وشراعي
مفيش داعي

ملوش لازمة
نعيش قصة
وعارفين من بدايتها .. نهايتها
ملوش لازمة
يفوت بُكرة
وانا بَكره
عيون من قلبي .. حبيتها


لا قلبك عمره كان ليّا
ولا حبك امل ليّا
لكن حنحب وحنكره
وحتزيدالجراح فيّا

وقبل ما يجي اعصارك
وقبل ما تبتدي نارك
وقبل ما تبتدي خداعي
هاهد مراكب الاشواق
ولو قلبي في يوم اشتاق
هكسّر قلبي وشراعي
مفيش داعي

تاليف / عماد الششتاوي 0101959699

4- الكدب الاخضر
الكدب الاخضر لوني
زي عنيكي بلونها الأخضر
خلاني احلم غصبن عني
من غير عقلي ما حتي يفكر
حقدر احقق حلمي وحلمك
او مش حقدر
لكن اصدق كدبة في حبك
اني بحبك
وان هواكي في قلبي بيكبر
غصبن عني

كنت بقولك
كل خيوط الشمس اغزلها
ياما وعدك
ابعد نجمة هطولها واجبها
لكن فجاة صحيت من حلمي
ولقيت لسة ايديا بتقصر

غصبن عني
الكدب الاخضر لوني
لكن اصدق كدبة في حبك
اني بحبك
وان هواكي في قلبي بيكبر.. غصبن عني

كنت بقولك
اي محال نمحيه مع بعض
ياما وعدتك
مليون وعد ومليون وعد
لكن حلمنا كان في السما
واحنا يادوب عايشين عالارض

غصبن عني
الكدب الاخضر لوني
لكن اصدق كدبة في حبك
اني بحبك
وان هواكي في قلبي بيكبر ... غصبن عني

5- بتبكي ليه؟
ولا انتي خنتي ولا قلبي خان
لكن هوانا اصبح هوان
اتبدد الحلم الجميـــــــل
كأنه اصبح مستحيــــل
مستقبلي مشواار طويل
مكتوبلي امشي لوحدي فيه
بتبكي ليه؟

طريق هناكي قدام عنيكي ليه ترفضيه؟
انا مش هاعاتبك والوم عليكي لو تقبليه
بتبكي ليه؟

مستقبلي مشواااار طووويل
مكتوبلي امشي لوحدي فيه
بتبكي ليه؟

راحتك حياتي لو كان اهاتي ما يهمكيش
هاخدك ف حضني وابعد بحزني من غير ماعيش
بتبكي ليه؟

مستقبلي مشواااار طووويل
مكتوبلي امشي لوحدي فيه
بتبكي ليه؟

لو كات دموعنا تمنع ودعنا كنا بكينا لكن زمنا حطم املنا وحكم علينا
بتبكي ليه؟
ولا انتي خنتي ولا قلبي خان
لكن هوانا اصبح هوان
اتبدد الحلم الجميـــــــل
كأنه اصبح مستحيــــل
مستقبلي مشواار طويل
مكتوبلي امشي لوحدي فيه
بتبكي ليه؟

تأليف / عماد الششتاوي 0101959699

هو حضرتك جربت تلحن

مشكور

بصراحة اغانى جميلة زى الى الفها و غناها

تحفه يا مستر بصراحه